. مظاهر العيد، إذ لا يخلو بيت من بيوتنا من هذا اللون من الحلوى في هذا العيد، ويظهر أن هذه العادة أصيلة في الشعب المصري واتخذها المسلمون في القرن الأول من الهجرة بل لا أغالي إذا قلت أن المسلمين في مصر عرفوا كعك العيد منذ دخل الإسلام مصر، وبمرور الزمن تطور صنع كعك العيد تطوراً كبيراً ولا سيما عند أغنياء المصريين، إذ كانوا يتفننون في طريقة صنعه وتشكيله ونقشه وحشوه. فنحن نعلم أن بعض الأغنياء كانوا يحشون الكعك بقلوب الفستق واللوز، كما أن بعضهم كان يحشوه بالحلوى.
وفي العصر الإخشيدي كان الوزير أبو بكر المادراني يحشو الكعك بقطع من العملة الذهبية، وكذلك كان يفعل من قبله الإمام الليث بن سعد الذي يقال إنه أهدى إلى الإمام مالك بن أنس بالمدينة، صينية وضع فيها الكعك المصري وكان حشوها من الذهب، كما كان يهدي إلى أصدقائه أمثال هديته إلى الإمام مالك
✴✔الغريبه
👈مقادير الغريبه
كيلو دقيق
500 جرام سمنه
200 جرام سكر بودره
👈✴✔مقدار اقل
400 جرام دقيق
200 جرام سمنه
100 جم سكر بودره
👈الطريقه
نضع السمنه فى الفريزر حوالى ساعه قبل الخفق في الماكينه
ثم نخفق السمنه مع السكر حتى تصبح كريمي ولونها يكون مائل للبياض
ثم نضع الدقيق مع العجن حتي يمتزج الدقيق فقط ثم ندخلها الثلاجه حوالى 10 ساعه حتى تتماسك
ثم تخرج من الثلاجه نرش رشه خفيفه من الدقيق على الرخامه ونسحب العجينه بايدينا ونلمها تانى ثم نسحب العجينه علي الكونتر ونلمها مره اخري لكي تزداد بياض ونعومه ونعملها رول علشان يسهل عمليه تشكيلها ويكون كل الوحدات نفس المقاس
فى حاله لو عايزين نحط مكسرات يعنى فستق او اى مكسرات نلف الرول عليها حتى تتماسكه المكسرات فى الرول ونضغط عليه خفيف ونقطعه ويدخل الفرن على درجه حراره 140 درجه لمده 18 الى ثلث ساعه
----------------------------------------------
👌ملحوظه مهمه
-زياده السكر بتنشف الغريبه
-وضع البيضه بتنشف الغريبه
-لازم نسقع السمنه كويس فى الفريزر ولازم نضربها كويس مع السكر لغايه ما تهيش ويبيض لونها
-لما نحط الدقيق في الماكينه ممنوع العجن كتير علشان مش يتكون لها عرق وتنشف
الالتزام بدرجه حراره الفرن والوقت اللازم للسوى
--------------
✴✔البتى فور ( كواترو كواترو )
👈مقادير
150 جم دقيق
50 جم سكر بودره
150 جم زبدة
150 جم بيض بيعادل 3 بيضات
فانيليا وكميه من الزبيب
👈الطريقه
نخلط الزبدة مع السكر البودره حتى يدوب السكر ويهيش ويصبح كريمى ننزل بيضه ونضرب ولما تختفى نحط التانيه وهكذا وبعدين نحط الدقيق شويه شويه مع الخلط حتى تتجانس العجينه وتعبأ فى كيس حلوانى وتشكل على سيلكون او ورقه زبدة ويترك بين كله واحده والتانيه مسافات متباعدة مثل الصوره ونضع عليها بعض وحدات الزبيب المنقوع فى ميه او عليه شويه شربات خفيف
وتدخل الفرن على درجه حراره 190 درجه لمده 8 دقائق وبعد ما يخرج نسيبه يبرد تماما ثم نزينه او نتركه زى ماهو
---------------------------------
✴✔البتى فور
👈مقادير
1 ك زبده صفراء
400 جم سكر بودر
4 بيضات
1200 جم دقيق
👈الطريقه
نضع الزبده وتكون بحراره الغرفه والسكر البودره ونضرب حتي تصبح كربمي ويكون لونها اصبح مائل للبياض ونضرب هنا بالمضرب الكف علشان نحافظ على الميكسر ثم نضع البيض وحده تلو الاخره حتى يختفى وننزل بالدقيق حتى يصبح الخليط ممتزج مع بعضه ملحوظه ممكن كميه الدقيق لم تستعمل كله
ثم نحض كيس ببلبله ونشكله ببلبله قطرها 1ونص سم وعدد الاسنان فيها 16 واحده ثم نضع العجين في الكيس ونصب في الصاج الخاص بالبتي فور ويدخل الفرن على 150 درجه وبياخد حوالى 20 الى 25 دقيقه
ثم بعد الخروج من الفرن يترك حتي يبرد ثم نلزق كل اتنين معا بالمربى ونزينه شكولاتة وفسدق حسب الرغبه
✴✔ بسكويت النشادر
👈مقادير
5 ك دقيق
1500 جرام سكر بودره
1500 جرام نصف زبده ونصف سمنه
500 ملل للبن يدوب فيه 75 جرام نشادر
2 بيكنج بودر
16 بيضه
👈مقدار آخر البسكويت النشادر
850 جم دقيق
300 جم ( ممكن نص سمنه من الفريزر ونص زبده من الثلاجه )
300 جم سكر بودره
80 ملل لبن يدوب فيه 10 جم نشادر
16جم بيكنج بودر
4بيضه
👈الطريقه
يوضع السكر مع الزبده والسمنه ويضرب جيدا حتي تصبح كريمي ويبقى لونه مائل للبياض
ثم نضع البيض وحده تلو الاخره ونخلط حتى يختفي البيض
ثم اللبن المزاب فيه النشادر ثم نضع البيكنج بودر مع الدقيق حتي العجين بمتزج
ثم يوصع في الماكينه الخاص به ثم يدخل يدخل الفرن على درجه 150 لمده 12 دقيقه
👌ملحوظه مهمه
البسكويت لما يفرش يبقى عيب من اتنين
الاول كميه البيكنج بودر كتير
التانيه كميه الدقيق قليله يبق محتاج رشه دقيق زياده
✔✴الكحك على البارد
👈المقادير
5 ك سمنه جيده
10 ك دقيق
40 جرام خميره
4 بكنيج بودره
500 جرام سكر بودره 6 ملعقة رايحه كحك
500 جرام سمسم
1500 جرام مياه
👈مقدار آخر
كيلو دقيق
نصف كيلو سمنه
200 مللى مياه
10 جم خميره
50 جم سكر بودره
معلقه صغيره بيكنج بودر
اهم حاجه تكون السمنه من الفريزر
نضع السمنه و سكر بودره الماكينه ثم نضرب جيدا حتي تصبح كربمي ولونها يبقى مائل للبياض ثم ننزل بالدقيق والبكنج بودر ونستمر في العجن ونخلط حتى تتكون عجينه متجانسه ثم نضع الخميره المزابه في المياه عندما ترجع العجينه تتماسك نستمر في الضرب حتي ترجع العجينه تنعم مره آخره
- وتدخل فرن الساخن على 150 درجه وبتاخد ثلث ساعه
ممكن نسيبها ساده من غير حشو
ممكن نحشيها بالملبن بدون اى اضافات
ممكن نحشيه بالعجوة ونقطعها قطع صغيره
ممكن نحشيها بالعجميه
✴✔مقادير العجميه
👈المقادير
نص كيلو عسل
75 جم دقيق
40 جم سمنه
نحط السمنه والدقيق على النار ونقلب على نار هاديه
حتى يتحمص الدقيق ويكون لونه ذهبى خفيف ثم ننزل عليه بالعسل ونقلب حتى يتماسك حتي يوصل الى القوام المطلوب ازى نعرف القوام
هنجيب طبق ونضع معلقه من الخليط ونسيبه يبرد وبعدين نمسكه بين ايدينا ونشده لو مط معانا يبقى لسه محتاج سوى شويه على النار ولو قطع معانا يبقى تمام
اهم حاجه لازم سوى العجميه يكون مظبوط
------------------------
✔✴طريقه بسكويت الكيس
👈المقادير
1كيلو دقيق
300جم زبده
300جم سكر بودره
20 جم بيكنج بودر
4بيضات
80 جم لبن او ميه
الطريقه
خفق الزبده مع السكر جيدا حتي تكون كريمى وتهيش ثم نضع البيض وحده تلو الاخره ونضرب حتى البيض يختفى ثم ننزل باللبن او الميه ثم ننزل بالدقيق المخلوط فيه البيكنج بودر وتاخد لفه حوالى نص دقيقه
---------------------
✔✴البتى فور بالكيس الناعم
👈المقادير
250 جم زبده
100 جم سكر بودره
2 بيضه
300 جم دقيق حسب حاجه العجينه
الطريقه
نضع الزبدة مع السكر البودره كويس حتى تصبح كريمي وتبيض
نضع البيض تلو الاخرونخلط ثم نضع الدقيق شويه شويه حتى تلم العجينه
ثم يوضع في الكيس ثم يصب في الصاج الخاص به ثم يدخل الفرن عل درجه 150 درجه مئوية
وعندما يخرج من الفرن يترك حتي يبرد
ثم يلزق كل 2 معا بالمربى ونضع طرفها فى الشيكولاته السايحه ( شيكولاته سايحه تخلط بقليل من الزيت )ثم نضع وحده وحده فى الشيكولاته الفرماسيل او جوز الهند او فستق حسب الرغبه —
✴✔بتى فور سابليه
👈مقادير
300 جم دقيق
200 جم زبدة
100 جم سكر بودره
2 بيضه
فانليا
👈الطريقه
- خفق الزبده مع السكر ثم اضافه البيض ثم اضافه إضافة الدقيق حتي تمتزج العجينه ثم نطفي الماكينه
ثم توضع في الثلاجه لمدة ساعه عل الاقل
- ثم نفرد العجينه بارتفاع 5 : 5 مللى
-ثم نضع القطعه او الفرم حسب الاشكال المستخدامه على العجينه
- ونضغط على السابليه ونشيل اى زيادات
- وتدخل فرن ساخن على درجه 150 : 160 درجه وبياخد حوالى ثلث ساعه
✔✴الايطالين ميرنج
👈مقادير
16 أبيض بيض
200 جرام سكر
1ك سكر
👈الطريقه
نضع السكر مع قليل من المياه للتغطيه على النار حتي السوه كيف تعرف السوه عندما تضع يدك في الثلج ثم تخد كرانيل في يدك ثم تكوره وتعمل الكره الطريه
ثم نضرب الابيض بيض ولما يفور ويبدي لونه نضع سكر شويه شويه حتى يتضاعف ويهيش
فى في نفس الوقت نضع السيرب خيط رفيع على الابيض بيض
حتى يتجانس وبكتمل المرينج ثم يعبا فى كيس حلوانى
ثم يزين به البتى فور سابليه ونغطسه فى الشيكولاته السايحه الغامقه ونصفى البتى فور من الشيكولاته الزياده (الشيكولاته تسيح ومعها شويه زيت حتى تكتسب اللمعه والليونه )ونضع عليها رشه شيكولاته فارماسيل او فستق او عين جمل
✔✴الغريبه بالكيس
👈المقادير
نص كيلو دقيق
275 جم سمنه مثلجه
100 جم سكر بودره
الطريقه
خفق السمنه مع السكر جيدا حتى تتجانس وتبيض وتهيش ثم نضع الدقيق شويه شويه
ثم نضع الخليط فى كيس حلوانى ونشكلها فى صاج
- ثم نضع حبات الفستق او اى مكسرات عليها ونضغط عليها
- تدخل فرن ساخن على درجه حراره 150 درجه لمده تلت ساعه
للمزيد من الوصفات تابعونا على صفحتنا
https://www.instagram.com/chif.ahmed.maher/
صفحة الشيف احمد ماهر للحلويات الكيك للمهتمين بعالم الحلواني
https://www.facebook.com/
chifahmed.maher?ref=bookmarks
تابع الشيف احمد ماهر علي تويتير
https://twitter.com/
Ahmedma26987755
اذا كنت محتاره تطبخي اي وعاوزه وصفه سهله وسريعه
وفي نفس الوقت مميزه وتبهري فيها الاخرين تابعوني علي جروب
ღhttps://www.facebook.com/groups/chifahmedmaher/?ref=bookmarks
مدونه فنون الطهي ولمسة شيف احمد ماهر
chifahmedmaher.blogspot.com/
لاتنسي الاشتراك في قناتي علي اليوتيوب مع الشيف أحمد ماهر
https://www.youtube.com/channel/UCnoUVsg-mbXYwCmwsRJOnkw
الصفحة الرسمية الشيف احمد ماهر لحل الوصفات In th cake
https://www.facebook.com/chifahmed.maher/
