فطاير محشيه بسوسيج

المكونات 4 كوب دقيق 2 معلقه خميره فوريه 1 معلقه بيكنج بودر 1 معلقه صغيره ملح 2 معلقه كبيره سكر ربع كوب زيت 1 كوب لبن دافئ 1 كوب ماء دافئ سوسيج او اى نوع حشو فراخ او تونه او جبنه وزيتون الطريقه: هعجن العجينه دى بطريقه ولا اسهل هحط الدقيق فى بوله او طبق للعجن لو مش عندك عجانه وبعدين هضيف الخميره والسكر والبيكنج بودر والملح والزيت واقلبهم كويس اوى وبعدين اضيف اللبن والمايه لحد العجينه متتجانس معايا وتكون لينه بعد كده هركن العجينه لمده نص ساعه عشان ترتاح وتخمر وبعد كده هقسم العجينه لقطع كبيره حوالى 200 جرام القطعه وهفردها كويس بالدقيق والنشابه تعمل معايا دايره كبيره فى حجم صينيه البيتزا حوالى قطر 30 وبعدين هقطع الدايره دى الى 6 مثلثات بالسكينه وبعدين هحط السوسيج او الحشو اللى انتى حباه وهلف العجينه على الحشو عادى جدا وبعدين فى صاج مدهون زيت هرص الكميه كلها بعد تشكيلها وبعدين هدهن الفطاير دى بالبيض المخفوق وهسيبها تخمر لمده 10 دقايق وادخلها الفرن على درجه حراره 200 لمده ربع ساعه لحد متستوى واقدمها بالشكل اللى تحبيه وبالهنا والشفا