نهايه طفل

متزعليش يا امى متزعليش .. انا حاسس بيكى وشايف دموعك
من فضلك يا امى متبكيش .. انا فى الجنه وسامع صوتك ..

شيلانى على ايدك ولفين ماشيه .. دا بكايا كان هنسيب بلدنا ؟؟
وتقولى لابويا خلاص مهاجرة .. البلد خلاص مش ملك ولادنا ..

شوفت عينيكى خايفة عليا .. كان نفسى اقولك يامى سلام 
ما انا شوفت ملايكة قدام عينيا .. بتضحك ليا وبتسلم كمان ..

واخدنى البحر جوا حضنه .. وليكى حق يا امى تهاجرى
دا حضن القرش مش زى حضنك .. لكن احسن من حضن بلدى ..

متزعليش يا امى متزعليش .. انا حاسس بيكى وشايف دموعك
من فضلك يا امى متبكيش .. انا فى الجنه وسامع صوتك ..